நிருபனுக்கு கடிதம்

நிருபன்!நலமா?நலமறிய ஆவல்
இங்கே தாத்தா கருணாநிதியும்
அம்மாவும் நலமே!
இரண்டு பேருக்கும் எப்பவுமே சண்டை
அது மட்டுமே இங்கே பிரச்சினை
அண்ணன்,அக்கா,தம்பி,தங்கை அனைவரும்
உங்களை கேட்டதா சொல்லச் சொன்னாங்க

அண்ணன் பிரபாகரன் செய்தி
கேட்டு வருத்தமடைந்தேன்
நிழலோடு அருமை வெயிலில்
தெரியும் பழமொழி தெரியும்தானே!

நிருபன்! நிலத்தில் சூடு அதிகம்
என உறவொன்று சொல்லக்கேட்டேன்
உங்களுக்கு தலை சுற்றி உள்ளதாக சொன்னார்

நிருபன்! உடலை பார்த்துக்கொள்ளவும்
கனடாவிலிருந்து ரதி அனுப்பிய மருந்து கிடைச்சதா?
ஒருவேளை பதிவு மருந்தையும் மறுவேளை
பின்னூட்ட மாத்திரைகளையும் கலந்து குடிச்சா
இரண்டு நாட்களில் சரியாகி விடும்

பக்கத்து வீட்டுக்காரன் என்ன சொல்கிறான்?
ராணுவக்காரன் சண்டைக்கு வந்தானா?
உறவினர்கள் கஷ்டத்தில் இருப்பதாக
ஊர் முழுக்க பேசிக்கொள்கிறார்கள்
லண்டனிலிருந்து அனுப்பும் பணத்தையெல்லாம்
பாவிகள் புடுங்கி கொள்வதாக பேச்சு!மெய்யாலுமா?

டக்ளஸு மேலே கேஸ் இருக்குது
தமிழ்நாடு பக்கம் வந்தா
களி திங்கனும்ன்னு சொல்லி வையுங்கோ

பிள்ளையானும்,கருணாவும்
இன்னும் சண்டை போடுறாங்களா?
நல்லதுக்கில்லைன்னு சொல்லி வையுங்கோ

உறவுகள் நிலத்தை ராணுவக்காரன்
பிடுங்கி கொண்டதாகவும் தகவல் வந்தது
கோர்ட்டில் கேஸ் போட்டிருக்கோம்
தீர்ப்பு நமக்கு சாதகமா வருமென்று
அம்மா சொல்றா!பொறுத்திருப்போம்

உறவுகளை கேட்டதா சொல்லுங்கோ
நட்பா இருக்கும் சிங்களக் குட்டி பசங்களையும்
கேட்டதா சொல்லுங்கோ
மற்றவை பதில் கண்டு பதில்

இப்படிக்கு
அன்புள்ள
சகோ.