இத்தனை நாட்கள் நல்லாத்தானே பேசிகிட்டு இருந்தே?திடீர்ன்னு என் மேல் என்ன கோபம்?அல்லது யூனிகோடுக்கும் உனக்கும் ஏதாவது மனஸ்தாபமா? உன்கிட்ட அன்பாத்தானே இருந்தேன்?நேற்று முதல் தொடாதே தொடாதே ன்னு எச்சரிக்கை செய்து கொண்டே இருக்கிறாயே?
போடின்னு கோவிச்சுகிட்டு நெருப்பு நரிக்கு ஹலோ சொன்னா வாய்யா மச்சான்! உட்கார்ன்னு அழகா உபசரிக்குது.தமிழ்மணத்துக்கு கூட்டிட்டுப் போகவான்னு கேட்குது.ஒழுங்கா என்கிட்ட சண்டை போடாம இருக்குறதுன்னா இரு இல்ல உன் முகத்துலேயே முழிக்காம நெருப்பு நரியே கதின்னு இருக்கப் போறேன்.
நாட்டாமைகள் யாராவது இந்த சண்டையை தீர்த்து வச்சீங்கன்னா ஒரு கும்புடு போடுவேன்.
Monday, June 30, 2008
வெயில் காலத்து கிறுக்கல்கள்
இன்று காலை அலுவலகம் போகலாம் என்று கிராண்ட் சிறுக்கியை தொட்டால் கிர்.கிர் என்ற சத்தத்துடன் தடைமிதிப் பலகை (நம்ம ஊரு பிரேக்)யைத் தொடும்பொதெல்லாம் சத்தமிட்டுக் கொண்டு என்னையும் கலவரப் படுத்திக் கொண்டே வந்தது.அலுவலகத்தில் தலையைக் காட்டிவிட்டு பழுதுபார்க்கலாம் என்று போனேன்.
குளிர்சாதன அறைக்குள்ளேயே முடங்கிக் கிடப்பது சில சமயம் எரிச்சல் ஊட்டும் விசயம்.அதனால் சில சமயம் மதிய வெயிலில் கடற்கரையை சீப்பு போடும் நோக்கத்தில் போகும்போது கூட வெயிலின் உக்கிரம் தெரிவதில்லை.காரணம் அனல் கக்கும் மணல் ஒருபுறமும் கடல் அலைகளின் மெல்லிய சத்தம் ஒருபுறமும் இடையில் ஈரமான மணலில் நீர் காலைத் தொடாமல் சுமார் இரண்டு கிலோமீட்டர் நடப்பது கூட ஓர் சுகமான அனுபவம்.கூடவே வெயிலின் உஷ்ணத்தால் வெளியே மதியம் கடலை அண்டாத மக்கள் கூட்டமில்லாத தனிமையும் ஓர் அலாதி சுகமே.
ஆனால் வண்டியை இயந்திரம் சீர்திருத்துமிடத்துக்கு கொண்டு சென்றதில் அந்த சுகமில்லை.கண்விழி புருவம் வரை முத்துக்களாய் வியர்வை.நாக்கு வரட்சி.சுமார் ஒரு மணி நேரத்துக்கும் மேலாக வெயிலின் நிழலில் உட்காரவேண்டிய நிர்பந்தம்.குஜராத் மாநிலத்து 20 மதிக்கத்தக்க எளந்தாரி(வார்த்தைத் திருடல் லதானந்த் ஆபிசரிடமிருந்து) வெயிலில் டிஸ்க் எனும் இரும்பு வளையத்துடன் தடைமிதி அரைச் சந்திர வட்டம் போன்ற உருளையை இணைக்க முயன்று கொண்டிருந்தார்.
என்னால் வெயிலின் நிழலில் ஒருமணி நேரத்துக்கு தாக்குப்பிடிக்க முடியவில்லை.இந்த மாதிரி உழைப்பாளிகள் சாலைப்பணி செய்யும் பன்நாட்டு தொழிலாளிகள்,நகர் சுத்திகரிப்பு வேலை செய்யும் பங்களாதேஷ் மற்றும் தமிழ்நாட்டு இளைஞர்களின் வாழ்க்கை நிலை பரிதாபத்துக்குரியது.மிக அதிகக் குளிர்,உஷ்ணம்,குறைந்த சம்பளம் என்று இத்தனை இன்னல்களையும் தாங்கிக் கொள்ளும்படியான தேச,காலச் சூழ்நிலைகள்.சுதந்திரக் காற்றை சுவாசித்த பங்களாதேஷ் இயற்கையின் தொடர் சீற்றங்களுடன் மதப் படுகுழிக்குள் விழுந்துவிட்டது பரிதாபத்திற்குரிய விசயம்.
கிருஸ்மஸ்,புத்தாண்டு கொண்டாட்டங்களை கட்டாய மரபுகளாய் பாவிக்கும் சென்னை நண்பரின் வட்டத்துக்குள் சிக்கிக் கொண்டதால் இந்தியா,இலங்கை,நேபாளம்,பிலிப்பைன்ஸ்,இங்கிலாந்து,அமெரிக்கா (உபயம் சென்னை மொழி பேசும் தமிழ் பேச மட்டுமே தெரிந்த நண்பர்கள்)லெபனான்,எகிப்தியர் என்று தேசத்துறவித்தனம் கொண்ட இந்த வாழ்க்கையில் அத்தனை தேசத்து மனிதர்களுடனும் நட்பு கொண்டாகிவிட்டது.
உலக மயமாக்கலையும் உலகம் ஒரு சிறிய கிராமம் என்ற சொல்லை நடைமுறைப் படுத்தலையும் முன்னெடுத்துச் செல்லும் நாடுகளில் மத்திய கிழக்கு நாடுகள் முக்கியப் பங்கு வகிக்கிறது எனலாம்.இஸ்லாமிய மார்க்கத்தின் மெல்லிய பண்புகளை புறம் தள்ளிவிட்டு அடிப்படை வாதம் உலகளாவியதும் மனித மேம்பாட்டின் ஓர் சரிவே எனக் கொள்ளலாம்.ஆனாலும் இந்த அடிப்படை வாதம் உலக மயமாக்கலுக்கு மேலும் துணை புரிகின்றது என்றே தோன்றுகிறது.
தன் நாட்டின் வேர்களுடன் மேலை நாட்டின் விழுதுகளை இணைத்துக் கொண்டே இங்கே பெரும்பாலோனோர் வாழ்வின் ஓட்டம் நகருகிறது. இன்றைய கால கட்டத்தில் நாடுகளின் எதிர்காலத்தை தீர்மானிக்கும் சக்தியாக மத்திய கிழக்கு நாடுகள் உள்ளன.எரிபொருளின் அத்தியாவசியத் தேவையில் நாளையும்,வரும் நாட்களும் எந்த திசையில் பயணிக்கப் போகிறது என்று உற்று நோக்க வேண்டிய கால கட்டாயத்தில் உள்ளது மனித இனம்.
குளிர்சாதன அறைக்குள்ளேயே முடங்கிக் கிடப்பது சில சமயம் எரிச்சல் ஊட்டும் விசயம்.அதனால் சில சமயம் மதிய வெயிலில் கடற்கரையை சீப்பு போடும் நோக்கத்தில் போகும்போது கூட வெயிலின் உக்கிரம் தெரிவதில்லை.காரணம் அனல் கக்கும் மணல் ஒருபுறமும் கடல் அலைகளின் மெல்லிய சத்தம் ஒருபுறமும் இடையில் ஈரமான மணலில் நீர் காலைத் தொடாமல் சுமார் இரண்டு கிலோமீட்டர் நடப்பது கூட ஓர் சுகமான அனுபவம்.கூடவே வெயிலின் உஷ்ணத்தால் வெளியே மதியம் கடலை அண்டாத மக்கள் கூட்டமில்லாத தனிமையும் ஓர் அலாதி சுகமே.
ஆனால் வண்டியை இயந்திரம் சீர்திருத்துமிடத்துக்கு கொண்டு சென்றதில் அந்த சுகமில்லை.கண்விழி புருவம் வரை முத்துக்களாய் வியர்வை.நாக்கு வரட்சி.சுமார் ஒரு மணி நேரத்துக்கும் மேலாக வெயிலின் நிழலில் உட்காரவேண்டிய நிர்பந்தம்.குஜராத் மாநிலத்து 20 மதிக்கத்தக்க எளந்தாரி(வார்த்தைத் திருடல் லதானந்த் ஆபிசரிடமிருந்து) வெயிலில் டிஸ்க் எனும் இரும்பு வளையத்துடன் தடைமிதி அரைச் சந்திர வட்டம் போன்ற உருளையை இணைக்க முயன்று கொண்டிருந்தார்.
என்னால் வெயிலின் நிழலில் ஒருமணி நேரத்துக்கு தாக்குப்பிடிக்க முடியவில்லை.இந்த மாதிரி உழைப்பாளிகள் சாலைப்பணி செய்யும் பன்நாட்டு தொழிலாளிகள்,நகர் சுத்திகரிப்பு வேலை செய்யும் பங்களாதேஷ் மற்றும் தமிழ்நாட்டு இளைஞர்களின் வாழ்க்கை நிலை பரிதாபத்துக்குரியது.மிக அதிகக் குளிர்,உஷ்ணம்,குறைந்த சம்பளம் என்று இத்தனை இன்னல்களையும் தாங்கிக் கொள்ளும்படியான தேச,காலச் சூழ்நிலைகள்.சுதந்திரக் காற்றை சுவாசித்த பங்களாதேஷ் இயற்கையின் தொடர் சீற்றங்களுடன் மதப் படுகுழிக்குள் விழுந்துவிட்டது பரிதாபத்திற்குரிய விசயம்.
கிருஸ்மஸ்,புத்தாண்டு கொண்டாட்டங்களை கட்டாய மரபுகளாய் பாவிக்கும் சென்னை நண்பரின் வட்டத்துக்குள் சிக்கிக் கொண்டதால் இந்தியா,இலங்கை,நேபாளம்,பிலிப்பைன்ஸ்,இங்கிலாந்து,அமெரிக்கா (உபயம் சென்னை மொழி பேசும் தமிழ் பேச மட்டுமே தெரிந்த நண்பர்கள்)லெபனான்,எகிப்தியர் என்று தேசத்துறவித்தனம் கொண்ட இந்த வாழ்க்கையில் அத்தனை தேசத்து மனிதர்களுடனும் நட்பு கொண்டாகிவிட்டது.
உலக மயமாக்கலையும் உலகம் ஒரு சிறிய கிராமம் என்ற சொல்லை நடைமுறைப் படுத்தலையும் முன்னெடுத்துச் செல்லும் நாடுகளில் மத்திய கிழக்கு நாடுகள் முக்கியப் பங்கு வகிக்கிறது எனலாம்.இஸ்லாமிய மார்க்கத்தின் மெல்லிய பண்புகளை புறம் தள்ளிவிட்டு அடிப்படை வாதம் உலகளாவியதும் மனித மேம்பாட்டின் ஓர் சரிவே எனக் கொள்ளலாம்.ஆனாலும் இந்த அடிப்படை வாதம் உலக மயமாக்கலுக்கு மேலும் துணை புரிகின்றது என்றே தோன்றுகிறது.
தன் நாட்டின் வேர்களுடன் மேலை நாட்டின் விழுதுகளை இணைத்துக் கொண்டே இங்கே பெரும்பாலோனோர் வாழ்வின் ஓட்டம் நகருகிறது. இன்றைய கால கட்டத்தில் நாடுகளின் எதிர்காலத்தை தீர்மானிக்கும் சக்தியாக மத்திய கிழக்கு நாடுகள் உள்ளன.எரிபொருளின் அத்தியாவசியத் தேவையில் நாளையும்,வரும் நாட்களும் எந்த திசையில் பயணிக்கப் போகிறது என்று உற்று நோக்க வேண்டிய கால கட்டாயத்தில் உள்ளது மனித இனம்.
Wednesday, June 25, 2008
எந்த புத்தகக் கணினி வாங்கலாம்?
எந்த புத்தகக் கணினி வாங்கலாம்?இப்பவெல்லாம் யாரும் மடியில் கணினிகளை தாலாட்டுவதை பார்க்க இயலவில்லை.எல்லோரும் தோளில் மாட்டிக்கொண்டு திரிவதால் வேண்டுமானால் தோள் கணினி என்று பெயரை மாற்றிக்கொள்ளலாம்.
தோள் கணினிகளின் பங்குச் சந்தை நிலவரம் என்ன?எனக்குத் தெரிந்து டெல்,கம் பேக்(?) அல்லது ஹம்பக்(?)ஏசர் என்பவர்கள் சந்தையில் ஆடி விளையாண்டாலும் சந்தையின் கதாநாயகன் என்னவோ தொஷிபா மட்டுமே.தோள் கணினிகளின் பங்குச் சந்தையில் சில ஆண்டுகளில் தொடர்ச்சியாக கிட்டத்தட்ட 70 சதம் தொஷிபாவின் கையில்.இனி வகைகள் கீழே:-
சாட்டிலைட்= வீட்டு உதவிக்காக = விலை 850 டாலர் முதல் 1500 டாலர் வரை.
சாட்டிலைட் புரோ= அதுதான் பெயரிலேயே தெரியுதே புரொ ன்னு. = விலை 1000 முதல் 1300 டாலர் வரை.
டெக்கரா= விமானத்திலேயே சுத்தி திரியும் பன்னாட்டு வியாபாரிகளுக்கு = விலை 1300 முதல் 1600 டாலர் வரை.
போர்ட்டிஜ் = கனத்தையெல்லாம் என்னால் தூக்க முடியாது என்பவர்களுக்கு = விலை 1750 முதல் 2000 டாலர் வரை.
கொஸ்மியோ= தொலைக்காட்சிகளைக் கூட கணினியில்தான் பார்ப்பேன் என அடம் பிடிப்பவர்களுக்கு = விலை 1600 முதல் 2250 டாலர் வரை
பதிவுக்கு மட்டும் சின்னச் சின்ன வேலைகளுக்கு என்றால் மேற்சொன்ன ஏசர்,கம்பேக் போன்றவர்களை நாடுவது நலம்.
இவங்களையெல்லாம் மிஞ்சும்படி மேக்நோட் என்று உலகத்திலேயே ஒல்லியானவள் நான் தான் என்ற விளம்பரத்துடன் _ அது ஆப்பிள் பிரியர்களுக்கு. விலை விபரம் தெரியவில்லை.
மேற்கண்ட விலையுடன் உள்ளுர் வரி,விற்பனை வரி,லாபம் என்று கொஞ்சம் கறந்துவிடுவார்கள்.இதில் விலையினை சமன் செய்யும் முன்பு கவனிக்க வேண்டிய முக்கிய சில விபரங்கள்.
Processor between 1.83 GHz to 2.5 GHz with latest technology of Core Duo / Core 2 Duo
Ram 1 GB to 3 GB
HDD 100 GB to 320GB.
Screen 12" /15.4"/ 17" with TFT or Crystal Screen
மேலும் கணினியைச் சுற்றி என்ன என்ன கைப்பைகள்(option) தேவை என்ற நிர்ணயம்.பெரும்பாலோர் யு.எஸ்.பி (USB) யையே பயன்படுத்துகிறார்கள். பயர்வயர்(Firewire) இருந்தால் நலமாக இருக்கும்.எல்லாவற்றிற்கும் மேலாக பாக்கெட்டின் எடையை கவனித்துக் கொண்டு கடையின் கண்ணாடி கதவுகளுக்குள் நுழையவும்.
ஒரு டிஸ்கி போட்டுடலாமா: விலை விபரங்கள் தேச தேசத்துக்கு வித்தியாசப்படும்.எந்தப் பொருள் வாங்கச் சென்றாலும் கையில் பணம் இல்லாமல் செல்வது நல்லது.கூடவே வாங்குகிற மாதிரி பந்தா காட்டிவிட்டு வந்து விடவும். காரணம் வீட்டுக்கு வந்து யோசனை செய்தபின் அல்லது யாருடனாவது மொக்கை போட்டுக்கொண்டு பின் இதைத்தான் வாங்கப்போகிறோம் என்ற தெளிவுக்கு வந்தவுடன் பணத்தோடு மீண்டும் செல்வது நல்லது.
தோள் கணினிகளின் பங்குச் சந்தை நிலவரம் என்ன?எனக்குத் தெரிந்து டெல்,கம் பேக்(?) அல்லது ஹம்பக்(?)ஏசர் என்பவர்கள் சந்தையில் ஆடி விளையாண்டாலும் சந்தையின் கதாநாயகன் என்னவோ தொஷிபா மட்டுமே.தோள் கணினிகளின் பங்குச் சந்தையில் சில ஆண்டுகளில் தொடர்ச்சியாக கிட்டத்தட்ட 70 சதம் தொஷிபாவின் கையில்.இனி வகைகள் கீழே:-
சாட்டிலைட்= வீட்டு உதவிக்காக = விலை 850 டாலர் முதல் 1500 டாலர் வரை.
சாட்டிலைட் புரோ= அதுதான் பெயரிலேயே தெரியுதே புரொ ன்னு. = விலை 1000 முதல் 1300 டாலர் வரை.
டெக்கரா= விமானத்திலேயே சுத்தி திரியும் பன்னாட்டு வியாபாரிகளுக்கு = விலை 1300 முதல் 1600 டாலர் வரை.
போர்ட்டிஜ் = கனத்தையெல்லாம் என்னால் தூக்க முடியாது என்பவர்களுக்கு = விலை 1750 முதல் 2000 டாலர் வரை.
கொஸ்மியோ= தொலைக்காட்சிகளைக் கூட கணினியில்தான் பார்ப்பேன் என அடம் பிடிப்பவர்களுக்கு = விலை 1600 முதல் 2250 டாலர் வரை
பதிவுக்கு மட்டும் சின்னச் சின்ன வேலைகளுக்கு என்றால் மேற்சொன்ன ஏசர்,கம்பேக் போன்றவர்களை நாடுவது நலம்.
இவங்களையெல்லாம் மிஞ்சும்படி மேக்நோட் என்று உலகத்திலேயே ஒல்லியானவள் நான் தான் என்ற விளம்பரத்துடன் _ அது ஆப்பிள் பிரியர்களுக்கு. விலை விபரம் தெரியவில்லை.
மேற்கண்ட விலையுடன் உள்ளுர் வரி,விற்பனை வரி,லாபம் என்று கொஞ்சம் கறந்துவிடுவார்கள்.இதில் விலையினை சமன் செய்யும் முன்பு கவனிக்க வேண்டிய முக்கிய சில விபரங்கள்.
Processor between 1.83 GHz to 2.5 GHz with latest technology of Core Duo / Core 2 Duo
Ram 1 GB to 3 GB
HDD 100 GB to 320GB.
Screen 12" /15.4"/ 17" with TFT or Crystal Screen
மேலும் கணினியைச் சுற்றி என்ன என்ன கைப்பைகள்(option) தேவை என்ற நிர்ணயம்.பெரும்பாலோர் யு.எஸ்.பி (USB) யையே பயன்படுத்துகிறார்கள். பயர்வயர்(Firewire) இருந்தால் நலமாக இருக்கும்.எல்லாவற்றிற்கும் மேலாக பாக்கெட்டின் எடையை கவனித்துக் கொண்டு கடையின் கண்ணாடி கதவுகளுக்குள் நுழையவும்.
ஒரு டிஸ்கி போட்டுடலாமா: விலை விபரங்கள் தேச தேசத்துக்கு வித்தியாசப்படும்.எந்தப் பொருள் வாங்கச் சென்றாலும் கையில் பணம் இல்லாமல் செல்வது நல்லது.கூடவே வாங்குகிற மாதிரி பந்தா காட்டிவிட்டு வந்து விடவும். காரணம் வீட்டுக்கு வந்து யோசனை செய்தபின் அல்லது யாருடனாவது மொக்கை போட்டுக்கொண்டு பின் இதைத்தான் வாங்கப்போகிறோம் என்ற தெளிவுக்கு வந்தவுடன் பணத்தோடு மீண்டும் செல்வது நல்லது.
Tuesday, June 24, 2008
செட்டிநாடு,சரவணபவனர்களின் கவனத்திற்கு
சந்தை நிலவரம் மட்டும் சேகரித்துள்ளேன்.(பங்குச் சந்தையல்ல)இங்கே மெக்டொனால்ட்,கென்டக்கி கோழி,பிசா இத்தாலி யெல்லாம் கோலோச்சினாலும் இந்திய உணவகத்திற்கு சைவத்திற்கு ஒரு உடுப்பியும்,அசைவத்திற்கு ஒரு மொகல்மஹாலும் துவங்கி கிளைகள் ஆரம்பித்து ஜே ஜே லாபம் கொள்கிறார்கள்.பிரம்மச்சரியர்களின் துணைவர்களாக சேட்டன்கள் ஓரளவுக்கு மலிவு விலையில் புரோட்டா போட்டு சந்திரனில் கூட சாயா சத்தம்போடும் கூற்றினை உண்மையாக்கும்படி உழைப்பாளிகளாக இருக்கிறார்கள். நம்மூர்க்காரர்கள் திருச்சி ஓட்டல் என்றும் பாலிவுட் என்றும் பெயருடன் அங்கொன்று இங்கொன்றாகத் தென்படுகிறார்கள்.ஆனால் நம்மவர்களின் அசல் சுவைக்குப் பஞ்சம்.ஆனாலும் இட்லி தோசையாவது தருகிறார்களே என்று திருப்தி கொள்ள வேண்டியிருக்கிறது.
துணி வியாபாரம் செய்பவர்கள் கடைகள் கொஞ்ச நாள் கழித்துப் பார்த்தால் கடிகாரக் கடையாக மாறிப்போய் விடுகிறது அல்லது வேறு ஏதாவது ஒன்றாய் கண்ணில் தென்படுகிறது.ஆனால் உணவகங்கள் மட்டும் அப்படியே இடம் மாறாமல் ஆட்சி புரிகிறது.யாரும் தோல்வி கண்ட மாதிரி தெரியவில்லை.
நம்மர்வர்களில் குறிப்பாக செட்டிநாடு உணவகம் அசைவத்திற்கும் சரவண பவன் உணவு சைவத்திற்கும் இடம் காலியாகவே உள்ளது.நண்பர் ஒருவர் செட்டிநாடு உணவு கொண்டு வரவேண்டும் என்று முயன்று பொருளாதாரக் காரணங்களால் கைவிட்டு விட்டார்.ஒரு மண்ணின் மைந்தரின் பண உதவியுடனோ அல்லது தூங்கும் பங்கோ கிடைத்தால் மட்டும் போதும்.குறுகிய காலத்தில் அதென்னமோ பிரேக் ஈவன் பாய்ண்ட் ( யாராவது தமிழாக்கத்துக்கு உதவ வாருங்களேன்) உடைத்து பாக்கெட்டுக்குள் டினாரை சேமிக்கலாம்.சென்னைக்கும் பக்கத்து வீட்டு அமீரகத்தார்கள் யாராவது காதில் விழுகிறதா?
துணி வியாபாரம் செய்பவர்கள் கடைகள் கொஞ்ச நாள் கழித்துப் பார்த்தால் கடிகாரக் கடையாக மாறிப்போய் விடுகிறது அல்லது வேறு ஏதாவது ஒன்றாய் கண்ணில் தென்படுகிறது.ஆனால் உணவகங்கள் மட்டும் அப்படியே இடம் மாறாமல் ஆட்சி புரிகிறது.யாரும் தோல்வி கண்ட மாதிரி தெரியவில்லை.
நம்மர்வர்களில் குறிப்பாக செட்டிநாடு உணவகம் அசைவத்திற்கும் சரவண பவன் உணவு சைவத்திற்கும் இடம் காலியாகவே உள்ளது.நண்பர் ஒருவர் செட்டிநாடு உணவு கொண்டு வரவேண்டும் என்று முயன்று பொருளாதாரக் காரணங்களால் கைவிட்டு விட்டார்.ஒரு மண்ணின் மைந்தரின் பண உதவியுடனோ அல்லது தூங்கும் பங்கோ கிடைத்தால் மட்டும் போதும்.குறுகிய காலத்தில் அதென்னமோ பிரேக் ஈவன் பாய்ண்ட் ( யாராவது தமிழாக்கத்துக்கு உதவ வாருங்களேன்) உடைத்து பாக்கெட்டுக்குள் டினாரை சேமிக்கலாம்.சென்னைக்கும் பக்கத்து வீட்டு அமீரகத்தார்கள் யாராவது காதில் விழுகிறதா?
பில்கேட்சுக்கு ஒரு கடிதம்
வாழ்க்கையின் திசைகளை மாற்றிப் போட்ட பில் கேட்சே!ஓய்வெடுக்கப் போவதாக கேள்விப்பட்டேன்.ஓய்வெடுக்கும் முன் உன்னுடன் சில வார்த்தைகள்.முதலாவதாக ஆயிரமாயிரம் கணினி நிபுணர்களுகளின் வீட்டில் ஒளி ஏற்றி வைத்த உனக்கும் உனது மைக்ரோசாப்ட் புரட்சிக்கும் நன்றி.இனி உனது ஓய்வில் மைக்ரோசாப்ட் எந்த திசையில் பயணிக்கும் என்று பொருத்திருந்துதான் பார்க்கவேண்டும்.
ஆனால் எனக்கோ 90களில் துவங்கிய ஓட்டம் இன்னும் தீர்ந்தபாடில்லை.கமாவை விட்டால் டோஸ் உனக்கு தோஸ்த் இல்லை என்று சொல்லி விண்டோஸ் என்ற ஜன்னல் பக்கம் இழுத்து வந்தாய்.துவக்கத்தில் வேர்ட் என்ற வார்த்தையும் எக்ஸலண்ட் எக்ஸல் என்றும் அதைவிட புரோக்ராம் என்று என்னவே தெரியாமல் அக்சஸ்2 ஒரு சக்ஸஸ் என்று போதை ஏற்றினாய்.
ஜன்னலைத் திறந்து அலுவலகத்தில் உட்கார்ந்து கொண்டு மேசை(டேபிள்)களை இணைத்து உட்கார்ந்து கொண்டு கேள்வி(குயரி)கள் கேட்டால் பதில் கிடைக்கும்.பாரத்தை (பார்ம்)பூர்த்தி செய்து விட்டால் ரிப்போர்ட்டராக வரவு செலவுக் கணக்குகளைக் கூட கணிக்க முடியும் என்றாய்.தத்து நடை போடுவதற்குள் விசுவல் என்றாய்...பேசிக் பாலம் என்றாய். அங்கே துவங்கிய உனது சித்து விளையாட்டில் ஒன்றைத் தொட்டு நிபுணன் ஆகும் முன் ஜன்னல் 97 என்றாய் பின் 98 என்றாய்.வா எனது விருந்துக்கு என்று ஷெராட்டனுக்கு அழைத்து 2000 ஜன்னல் சர்வர் இப்படித்தான் இருப்பான் என்று படம் பிடித்துக் காட்டினாய்.கணினி உலகத்து காவலனாய் நீ மட்டுமே இருக்க விரும்பினாய்.அந்த முயற்சியில் பெரும்சதம் வெற்றியும் பெற்றாய்.
சபிர்பாட்டியா என்ற எனது தேசத்துக்காரன் ரொம்ப ஹாட் மச்சின்னு சொல்லி தபால்பெட்டி ஒன்று இலவசமாகத் தந்தான்.அந்தப்பெட்டியையும் நீ பிடுங்கிக்கொண்டாய்.நீ கொடுத்த காசில் சபிர்பாட்டியா பெராரி வாகனத்தில் ஊர்வலம் வந்ததாய் கேள்விப் பட்டேன்.எப்படியோ உனது புண்ணியத்தில் எனது தேசத்து மூளைகளுக்கு விலை உயர்ந்தது.
உனக்குப் போட்டியாக ஐ.பி.எம் என்ற ஆள் ஹில்டனில் விருந்து தருகிறேன்.இனிமேல் இ வியாபாரம் இப்படித்தான் இருக்கும் என்றான்.கேக்கர் என்ற கொக்கர்கள் அதற்கும் வேட்டு வைத்ததால் ஈ தான் ஓட்டவேண்டியிருந்தது.சரி ஓராக்கிள் என்று ஒருத்தன் வந்தான்.அவனிடமும் ஹலோ சொல்லிப் பார்த்தேன்.
அப்புறம் வலையென்ற வலையில் விழுந்தேன்.இன்னும் வலைப்பின்னல்களின் சிக்குகளிலிருந்து வெளிவர இயலவில்லை.ஆனாலும் மூழ்கியதில் கிடைத்தது தமிழ்மணம் என்ற முத்து.விட்டுப்போன தமிழை மீண்டும் கற்றுக்கொண்டிருக்கிறேன்.தமிழ் கற்றுக்கொள்ளப் போனால் பிட் படம் காட்டுறேன்னு படம் காண்பிக்க ஆரம்பிச்சுட்டாரு ஒருத்தர்.அங்கே படம் பார்க்கப்போனா படம் தயாரிச்சா மட்டும் போதாது.பிற்தயாரிப்பு செய்யவேண்டும்.அப்பத்தான் படம் கிளு கிளுப்பா இருக்கும் என்று சொல்லி ஜிம்ப்ன்னு ஒருத்தர் இருக்கார் அவரப் பார்ன்னாரு சி.வி.ஆர்ன்னு ஒரு படத்தயாரிப்பாளர்.
அங்கே போகலாமுண்ணு வழியைத் தேடினால் கூகிள் என்பவர் வா நான் வழிகாட்டுகிறேன் என்று அடோப் என்கிறவரின் விலாசத்தைக் கொடுத்திட்டாரு.அந்த ஆள் என்னடான்னா 2 லட்சம் கொடுத்தேன்னா போட்டோஷாப்,போட்டோஷாப்புக்குப் பின்னால் பிலிம் காட்டறது,சினிமாக்காரங்க மாதிரி படம் எடிட் செய்யறது,வலை அமைப்பது எப்படி அப்படி இப்படின்னு தலை சுற்ற வச்சுட்டாரு.
பில்கேட்சே!உன்னிடம் தொடங்கிய ஓட்டம் இன்னும் முடியாமல் உருப்படியா எதுவும் கற்றுக்கொள்ளாமல் எப்படியோ நாட்கள் மட்டும் அதன் சராசரி வேகத்தில் நகருகிறது.நீ ஓய்வெடு.வாழ்த்துக்கள்.
ஆனால் எனக்கோ 90களில் துவங்கிய ஓட்டம் இன்னும் தீர்ந்தபாடில்லை.கமாவை விட்டால் டோஸ் உனக்கு தோஸ்த் இல்லை என்று சொல்லி விண்டோஸ் என்ற ஜன்னல் பக்கம் இழுத்து வந்தாய்.துவக்கத்தில் வேர்ட் என்ற வார்த்தையும் எக்ஸலண்ட் எக்ஸல் என்றும் அதைவிட புரோக்ராம் என்று என்னவே தெரியாமல் அக்சஸ்2 ஒரு சக்ஸஸ் என்று போதை ஏற்றினாய்.
ஜன்னலைத் திறந்து அலுவலகத்தில் உட்கார்ந்து கொண்டு மேசை(டேபிள்)களை இணைத்து உட்கார்ந்து கொண்டு கேள்வி(குயரி)கள் கேட்டால் பதில் கிடைக்கும்.பாரத்தை (பார்ம்)பூர்த்தி செய்து விட்டால் ரிப்போர்ட்டராக வரவு செலவுக் கணக்குகளைக் கூட கணிக்க முடியும் என்றாய்.தத்து நடை போடுவதற்குள் விசுவல் என்றாய்...பேசிக் பாலம் என்றாய். அங்கே துவங்கிய உனது சித்து விளையாட்டில் ஒன்றைத் தொட்டு நிபுணன் ஆகும் முன் ஜன்னல் 97 என்றாய் பின் 98 என்றாய்.வா எனது விருந்துக்கு என்று ஷெராட்டனுக்கு அழைத்து 2000 ஜன்னல் சர்வர் இப்படித்தான் இருப்பான் என்று படம் பிடித்துக் காட்டினாய்.கணினி உலகத்து காவலனாய் நீ மட்டுமே இருக்க விரும்பினாய்.அந்த முயற்சியில் பெரும்சதம் வெற்றியும் பெற்றாய்.
சபிர்பாட்டியா என்ற எனது தேசத்துக்காரன் ரொம்ப ஹாட் மச்சின்னு சொல்லி தபால்பெட்டி ஒன்று இலவசமாகத் தந்தான்.அந்தப்பெட்டியையும் நீ பிடுங்கிக்கொண்டாய்.நீ கொடுத்த காசில் சபிர்பாட்டியா பெராரி வாகனத்தில் ஊர்வலம் வந்ததாய் கேள்விப் பட்டேன்.எப்படியோ உனது புண்ணியத்தில் எனது தேசத்து மூளைகளுக்கு விலை உயர்ந்தது.
உனக்குப் போட்டியாக ஐ.பி.எம் என்ற ஆள் ஹில்டனில் விருந்து தருகிறேன்.இனிமேல் இ வியாபாரம் இப்படித்தான் இருக்கும் என்றான்.கேக்கர் என்ற கொக்கர்கள் அதற்கும் வேட்டு வைத்ததால் ஈ தான் ஓட்டவேண்டியிருந்தது.சரி ஓராக்கிள் என்று ஒருத்தன் வந்தான்.அவனிடமும் ஹலோ சொல்லிப் பார்த்தேன்.
அப்புறம் வலையென்ற வலையில் விழுந்தேன்.இன்னும் வலைப்பின்னல்களின் சிக்குகளிலிருந்து வெளிவர இயலவில்லை.ஆனாலும் மூழ்கியதில் கிடைத்தது தமிழ்மணம் என்ற முத்து.விட்டுப்போன தமிழை மீண்டும் கற்றுக்கொண்டிருக்கிறேன்.தமிழ் கற்றுக்கொள்ளப் போனால் பிட் படம் காட்டுறேன்னு படம் காண்பிக்க ஆரம்பிச்சுட்டாரு ஒருத்தர்.அங்கே படம் பார்க்கப்போனா படம் தயாரிச்சா மட்டும் போதாது.பிற்தயாரிப்பு செய்யவேண்டும்.அப்பத்தான் படம் கிளு கிளுப்பா இருக்கும் என்று சொல்லி ஜிம்ப்ன்னு ஒருத்தர் இருக்கார் அவரப் பார்ன்னாரு சி.வி.ஆர்ன்னு ஒரு படத்தயாரிப்பாளர்.
அங்கே போகலாமுண்ணு வழியைத் தேடினால் கூகிள் என்பவர் வா நான் வழிகாட்டுகிறேன் என்று அடோப் என்கிறவரின் விலாசத்தைக் கொடுத்திட்டாரு.அந்த ஆள் என்னடான்னா 2 லட்சம் கொடுத்தேன்னா போட்டோஷாப்,போட்டோஷாப்புக்குப் பின்னால் பிலிம் காட்டறது,சினிமாக்காரங்க மாதிரி படம் எடிட் செய்யறது,வலை அமைப்பது எப்படி அப்படி இப்படின்னு தலை சுற்ற வச்சுட்டாரு.
பில்கேட்சே!உன்னிடம் தொடங்கிய ஓட்டம் இன்னும் முடியாமல் உருப்படியா எதுவும் கற்றுக்கொள்ளாமல் எப்படியோ நாட்கள் மட்டும் அதன் சராசரி வேகத்தில் நகருகிறது.நீ ஓய்வெடு.வாழ்த்துக்கள்.
Subscribe to:
Posts (Atom)